Astanadaǵy Áleýmettik qyzmet kórsetý ortalyǵy tabysty qyzmet etýde
ASTANA. QazAqparat - Zamanaýı Áleýmettik qyzmet kórsetý ortalyǵy 2016 jyldyń 1 sáýirinde áleýmettik kómek kórsetý bólimshelerin biriktirý arqyly quryldy, dep habarlaıdy Astana qalasy ákimdiginiń saıty.
«Ortalyqtyń qyzmeti múgedek balalarǵa, múgedekterge úı jaǵdaıynda jáne óz-ózderine qyzmet kórsetý qabiletiniń bir bóligin joǵaltqan jáne ózge adamdardyń kómegin qajet etetin egde jastaǵy azamattarǵa kómek kórsetýge jáne olarǵa áleýmettik-turmystyq, áleýmettik-pedagogıkalyq, áleýmettik-mádenı, áleýmettik-eńbek, áleýmettik-ekonomıkalyq, áleýmettik-quqyqtyq qyzmetter kórsetýge baǵyttalǵan», - dep habarlaıdy atalmysh basqarma.
Osy rette aıryqsha qajettilikteri bar balalardyń damý jaǵdaıyn jaqsartý úshin jáne olarǵa teń múmkindikter jasaý maqsatynda 2016 jyldyń qyrkúıeginde áleýmettik qyzmet kórsetýge arnalǵan, syıymdylyǵy 90 adamǵa eseptelgen Astana qalasy ákimdiginiń «Balalardyń psıhonevrologııalyq medıtsınalyq-áleýmettik mekemesi» KMK quryldy.
