Astanadaǵy «Alaý» muz saraıynyń qysqy maýsymy taıaýda ashylady
ASTANA. QazAqparat - 1 qazanda elordadaǵy «Alaý» muzaıdyny saraıynda buqaralyq konkı tebý maýsymy ashylady. Qazirgi kezde daıyndyq jumystary júrgizilýde. Bul týraly qala ákimdiginiń saıty habarlady.
Kelýshilerge 400 metrlik jol, hokkeı men mánerlep syrǵanaýǵa arnalǵan korttar usynylady. Aıdyndardaǵy muz ozyq tehnologııalar men joǵary sapaly materıaldardy qoldana otyryp quıylady.
Bıylǵy maýsymda hokkeı kortynda EHPO-2017 logotıpi, al júgirý jolynda - ulttyq oıý-órnek beınelenedi.
Muzdyń jalpy aýdany - 9200 sharshy metr, ol úshin 460 tonna sý qajet. Bul rette aýa temperatýrasy arenada +13; +16°C, al muz ústindegi temperatýra - mınýs 5°C quraıdy.
Eske salaıyq, jazǵy maýsymda «Alaý» sport ortalyǵyna 12 710 adam kelgen, sonyń ishinde 1 500 oqýshy qalalyq mektepterdiń janyndaǵy lagerlerge barǵan balalar. Sonymen qatar, kóp balaly otbasylardan shyqqan 250 bala saraıda súıikti sport túrlerimen aınalysý múmkindigine ıe boldy.
