Astanadaǵy «Alaý» muz saraıynda balalar sportyn damytý bólimi ashyldy

Bul týraly Muz saraıynyń baspasóz qyzmetinen habarlady.

Bólimdi qurmetti sport qaıratkeri, joǵary sanattaǵy tóreshi Roman Beker basqardy. Tselınograd qalasynda konkımen mánerlep syrǵanaý 1969 jyly damı bastady. Mánerlep syrǵanaýdan qaladaǵy birinshi jattyqtyrýshy naq osy R.Beker boldy.

Onyń aıtýynsha, jańa bólimniń bastapqy maqsaty - balalardy sportpen júıeli túrde shuǵyldanýǵa tartý.

Balalar sektsııalarynda jattyǵýlar jańa muz alańynda Azııa oıyndary aıaqtalysymen ótkizile bastady. Hokkeı, mánerlep syrǵanaý, short-trek jáne konkımen júgirý sporty boıynsha sabaqtardy qysqy sport túrlerin damytýǵa mamandanǵan №2-shi balalar men jasóspirimder sport mektebiniń jattyqtyrýshylary júrgizedi. Búgin olardyń sany- 10. Onymen qosa, «Alaýda» qyzdarǵa arnalǵan shaıbaly hokkeı men dopdy hokkeı sektsııalary ashyldy.

Búginde «Alaý» muz saraıynda konkımen júgirý jáne short-trek boıynsha ulttyq jáne oblystyq komandalardyń jıyndary jıi ótip turady. Balalar kásibı sportshylarmen birge bir alańda syrǵanaıtyn bolady. Jattyqtyrýshylar sektsııalarǵa balalardy irikteý arqyly qabyldaıdy. Toptarǵa balalardyń qajetti sany jınaqtalyp qoıǵanymen, R.Beker turǵyndardy ústimizdegi jyldyń jeltoqsanynda «Alaýda» ótetin buqaralyq syrǵanaýlarǵa qatysyp, baqtaryn synaýǵa shaqyrdy. Aıta keteıik, balalarǵa arnalǵan toptardaǵy jattyqtyrýlar - tegin.