Astanadaǵy «Alaý» muz aıdyny saraıynda konkımen júgirý sportynan «Álem kýbogy» saıystarynyń ІІ kezeńi bastaldy

Atap aıtqanda jarystar B dıvızıonynda 500 metr qashyqtyqta áıelder arasyndaǵy saıystardan bastaldy. Qazaqstan sportshysy Ekaterına Aıdova bul qashyqtyqta 8-shi kórsetkishti kórsetti.

Ulttyq quramanyń bas bapkeri Vadım Saıýtın E. Aıdovanyń osyndaı kórsetkishin onyń densaýlyq jaǵdaıymen túsindirip otyr. Esterińizge sala keteıik, qazaqstandyq sportshy jaqynda tamaǵyna sýyq tıip, aýrýhanada jatyp shyqqan edi. Alaıda, E. Aıdova erteń 1000 metr qashyqtyqta jaqsy kórsetkishke qol jetkizetinine úmit artýda.

500 metr qashyqtyqta erler arasynda Vıktor Glýşenko 4-shi kórsetkishte turaqtady. Biraq ta Kýbok saıysyndaǵy osy B devızıonynda Aleksandr Glýşenko júrip ótken ýaqytynda 17-shi, al Roman Krech 19-shy kórsetkishte boldy.

Aıta keteıik, jarysta álemniń 30-ǵa jýyq memleketinen 300-den astam sportshy bul dodada baqtaryn synaıdy. Olardyń arasynda Olımpıada oıyndarynyń júldegerleri men Eýropa chempıondary jáne rekordshysportshylar bar.

Esterińizge sala keteıik, konkımen júgirý sportynan «Álem kýbogy» saıystarynyń І kezeńi jaqynd Chelıabide ótken bolatyn.