Astanadaǵy aqyly turaqtardyń tarıfi ózgerýi múmkin
ACTANA. QazAqparat – Astanadaǵy aqyly turaqtardyń jumys ýaqyty ózgerýi múmkin. Bul týraly qala ákimi Jeńis Qasymbek kásipkerlermen kezdesýden keıin BAQ ókilderine aıtty, dep habarlaıdy QazAqparat tilshisi.
«Bir sózben aıtqanda aqyly turaqtardyń jumys formaty qaıta qaraldy. Naqtyraq aıtsaq, ornalasatyn oryndary, jumys isteıtin ýaqyttary, tarıfi qaıta qaralady. Búgingi kezdesýde kásipkerlerdiń aqyly turaqtardyń jumysyna baılanysty jańa usynystar aıtty. Onyń bári eskeriledi», - dedi Jeńis Qasymbek.
Jýrnalıster turaq aqysynyń 5 paıyzy ǵana qala bıýdjetine túsetini qanshalyqty ras ekenin surady.
«Qazir sizge naqty qashan bastalǵanyn aıta almaımyn. Biraq bul birneshe jyl buryn qabyldanǵan sheshim. Siz aıtyp turǵan sharttar qaıta qaralady. Ákimdiktiń tabystan alatyn úlesi aıtarlyqtaı artady», - dedi ákim.
