Astanadaǵy ákeler balalaryna 400 mıllıon teńge qaryz
«Búgin ózderińiz kórgendeı, Astana qalasynyń pokýratýrasynda alıment bereshegin azaıtý jobasy talqylandy. Bul jobanyń basty maqsaty - alıment bereshegin tólemeı júrgen boryshkerlerdi jumyspen qamtamasyz etý. Sol arqyly, alıment ala almaı júrgen jasóspirimderge aqshasyn alyp berý. Qazirgi tańda Astana qalasy boıynsha jeti myńnan asa jasóspirim alıment ala almaı júr. Jalpy qaryz - 400 mln teńgege jetti. Sondyqtan, búgingi maqsatymyz - Astana qalalyq ákimdiginiń jumyspen qamtý ortalyǵy arqyly, Astanadaǵy bıznes ókilderimen, qurylys kompanııalarymen yntymaqtastyq ornata otyryp boryshy bar ákelerdi jumyspen qamtý jobasyn bastadyq», - deıdi S.Іztileýov.
Jalpy, prokýrordyń aıtýynsha, Astana qalasy boıynsha on toǵyz myń adam alıment tóleýge mindettelgen.
«Alıment alýy tıisti balalar sany jıyrma toǵyz myń jetkinshek. Joǵaryda aıtqan 19 myń ákeniń eki myńǵa jýyǵy jumyssyz retinde tirkelgen. Tıisinshe, olar alıment tóleı almaıdy. Biraq, prokýratýra bundaı ákelerdi jazalaýdan góri, aldyn alý sharalaryn qoldaný durys dep tapty. Sondyqtan, «Alıment bereshegin azaıtý» jobasyn qolǵa aldy. Jobanyń máni nede? Joba aıasynda prokýratýra joǵaryda aıtqan jumysy joq eki myń azamatty mamandyqtary, daǵdylary boıynsha kategorııalarǵa bólip, alǵashqy bes júz adamdy qurylys kompanııalary men elektr mamany, santehnık sııaqty mamandar izdegen kompanııalarǵa usyndy. «Naimi.kz» ınternet saıtymen yntymaqtastyq ornatyp, alıment boıynsha qaryzy qalyptasqan adamdardy saıtqa tegin tirkeý týraly kelistik. Bul saıtqa kúnine eki júzge jýyq adam tirkeledi eken. Sondaı-aq, Feısbýk áleýmettik jelisinde «Eńbek-Alıment» paraqshasyn tirkedik. Bul paraqshaǵa boryshkerler óz rezıýmelerin ornalastyra alady», - deıdi S.Іztileýov.
