Astanadaǵy ahýal ortalyǵy mereke qarsańynda qaıta jumysqa kiristi
ASTANA. QazAqparat - Aldaǵy merekeler qarsańynda Astana ákimi Áset Isekeshevtiń tapsyrmasyna oraı elorda ákimdigi janyndaǵy ahýal ortalyǵy jumysyn qaıta bastady. Qaladaǵy tártip pen qaýipsizdikti qamtamasyz etetin shtabtyń jetekshiligi Astana ákiminiń orynbasary Asqar Amrınge júkteldi, dep habarlaıdy elorda ákimdiginiń medıa ortalyǵy.
Shtab quramyna múddeli memlekettik organdar, mekemeler men quqyq qorǵaý organdarynyń jetekshileri endi.
Atalǵan shtab otyrysynda qalanyń jedel jaǵdaıy, Tuńǵysh Prezıdent kúnine arnanalyp josparlanǵan qoǵamdyq mańyzdy mádenı-buqaralyq jáne sporttyq sharalardyń daıyndyǵy talqylandy.
Otyrys qorytyndysy boıynsha qala tirshiligin qamtamasyz etý júıesiniń úzdiksiz jumys isteýi jáne ony qamtamasyz etetin ýákiletti memlekettik organdardyń kúshi men keshendi kúshteriń ózara áreket etýine qatysty naqty tapsyrma berildi.
