Astanadaǵy agroýnıversıtet stýdentteriniń bastamasymen «Amal» meıramy atap ótildi
ASTANA. 14 naýryz. QazAqparat - S.Seıfýllın atyndaǵy QazATÝ stýdentteriniń bastamasymen tuńǵysh ret Astana qalasyndaǵy JOO stýdentteri arasynda «Amal» meıramyna arnalǵan merekelik shara uıymdastyryldy.
Agronomııa fakýltetiniń saltanat zalynda ótken sharaǵa QazATÝ rektory, professor A.Q.Kúrishbaev, aqyn, Memlekettik syılyqtyń ıegeri, respýblıkalyq «Tumar» jýrnalynyń bas redaktory F.Ońǵarsynova, Prezıdenttik syılyqtyń ıegeri, «Ádebıet» shyǵarmashylyq birlestiginiń dırektory - bas redaktory J. B. Saýhat syndy tanymal tulǵalar, ustazdar men stýdentter qaýymy qatysty. S.Seıfýllın atyndaǵy QazATÝ stýdenti Erlan Qylaýbaev bastaǵan bir top stýdent-jastar Astanada - Naýryz meıramyn «Amal» merekesi men «kórisý» saltyn jańǵyrtýdy maqsat tutyp otyr.
«Amal» meıramy men «Kórisý» saltynyń qandaı tárbıelik máni bar? -degen saýalǵa jan-jaqty jaýap berilgen «Amaldyń aq tańy» atty derekti fılm kórsetildi. Sóıtip stýdent-jastar ata saltyn jańǵyrtýdy biz qolǵa aldyq, siz kýáger bolyńyz, atsalysyńyz degen usynys tastady.
Kúnniń shýaǵy tógilip, muzdyń kóbesi sógilip, jer-ana býsanyp jatqan qazirgi shaqty ata-babalarymyz «amal týdy» dep aǵaıynnyń amandyǵyn surasyp, aýyl-aımaqtyń mal-janyn túgendegen. Osylaı qytymyr qysty shyǵaryp salyp, amaldyń týǵanyn erekshe mereke etip qarsy alǵan. Naýryz aıynyń 14-i kúni jańa aı týatyn bolsa, 21-inde kún men tún teńelip, jańa kún, ıaǵnı jyl jańardy dep eseptelgen.
Amal keldi, taǵy da amal keldi, jaqsylyqtyń bastaýyn ala keldi. Kóktemgi «óliara» ótisimen, ata-babamyz úı aınalasyn tazartyp, qalyń qar tigisi sógilgen jaıylymǵa mal shyǵarǵan.
Amal merekesi ata-babalarymyzdan kele jatqan eski dástúrimizdiń biri. Osy kezde «kórisý» degen salt bolǵan. «Ulys kúni qazan tolsa, ol jyly aq mol bolar. Uly kisiden bata alsa, sonda oljaly jol bolar» degen. Kórisý dástúri tek elimizdiń batys óńirinde emes, barsha qazaqqa tán mereke, Naýryzdyń betashary dese de bolady. Dál 14 naýryzda kelip kórise almaǵandar toǵyz kúnge sozylatyn Naýryznamanyń kez kelgen kúni kelip kórisetin bolǵan. Kórisýdiń tárbıelik, áleýmettik, estetıkalyq mańyzy zor.
Amal týyp, aı men úrker toǵysatyn kúnderdi keıbir aımaqtarda toǵyz toǵys dep ne ataıdy. ıAǵnı amal, toǵys, kórisý bolsyn barlyǵy Naýryznamaǵa sáıkes keledi. Verekege jınalǵan jurtshylyq fldaǵy jyldary kúlli el bolyp, osy ıgi dástúrdi Saryarqanyń keń jazırasyna qaıta ákelip, alashtyń baıtaq dalasynda jandandyrý qajet degen pikirin bildirdi.
