Astanadaǵy agrotehnıkalyq ýnıversıtet aınalasyndaǵy máseleni Úkimet sheshedi - A.Mamytbekov
QR Aýyl sharýashylyǵy mınıstriniń aıtýynsha, qazirgi ýaqytta, agrarlyq ýnıversıtetterdiń úsheýi de Bilim mınıstrliginiń (BM) qaramaǵynda. Ol Almaty, Astana jáne Oral qalalarynda ornalasqan ýnıversıtetter (Bul jerde aıta ketetin jaı - Astanadaǵy agrotehnıkalyk ýnıversıtet 2011 jylǵa deıin AShM júıesinde bolatyn).
AShM júıesine kiretin Agrarlyq ǵylym - 23 ǵylymı ınstıtýttar, 14 tájirıbelik stantsııa jáne 10 bilim taratý ortalyqtarynan turady ( Agrarlyq ǵylym Elbasynyń ǵylym men praktıkany ushtastyrý tapsyrmasyna sáıkes BǴM-nen AShM-ne 2002 jyly berilgen).
«Jalpy aıtqanda, agrarlyq sektorda jaqsy kórsetkishterge qol jetkizý úshin ǵylym, bilim berý, bıznes pen memlekettik basqarý júıeleriniń arasyndaǵy ıntegratsııasyn arttyrý qajettigi aıdan anyq. Ol úshin joǵarydaǵy aıtylǵan ýnıversıtetter men ǵylymı ınstıtýttardy, tájirıbelik stantsııalar men bilim taratý ortalyqtaryn - báriniń basyn qosyp, olardyn árqaısynyń avtonomııasyn joǵaltpaı biryńǵaı Agrarlyq Ǵylymı - Bilim berý Ortalyǵyn (Agrarnyı Naýchno -Obrazovatelnyı Tsentr) quryp, ortaq maqsatqa jumys isteý kerek dep oılaımyz», - dep jazady mınıstr.
A.Mamytbekov osy jaǵdaıda ǵana stýdentter tek aýyl sharýashylyǵynyń teorııasymen shektelip qana qoımaı, tájirıbelik stantsııalarda praktıkasyn ótip, ınstıtýttardaǵy ǵylymı laboratorııalyq jumystaryn júrgizer edi. Úlken áleýeti bar ǵylymı ınstıtýttardaǵy mamandar dáris berip, daıyndalyp jatqan bolashaq jas mamandardyń deńgeıi artyp, jastar ǵylymǵa den qoıar edi dep sanaıdy.
«Al endi osy Ortalyqty kim jáne qalaı basqarý kerek? Kontseptsııaǵa sáıkes, bul Ortalyq BǴM men AShM mınıstrlikteri tarapynan birdeı Korporatıvtik basqarý júıesi arqyly (dırektorlar keńesi jáne t.b.) basqarylýy tıis. Oǵan qosymsha ekonomıka, óńirlerdi damytý jáne taǵy basqa da vedomstvolar, belgili ǵalymdar men bıznes assotsıatsııalardyń ókilderi qatysý kerek dep sanaımyz. Osyndaı usynysty AShM men belgili ǵalymdar birge qosylyp tujyrymdama retinde daıyndady. Bul tujyrymdama BǴM-niń Ǵylym komıtetinde talqylanyp oń qoldaý tapty (Ǵylym komıtetiniń tóraǵasynyń qoly qoıylǵan tıisti hattamasy bar). Endi bul tujyrymdama úkimette qaralady. Sheshim sonda qabyldanady.
Al endi osydan keıin AShM ýnıversıtetterdi alyp jatyr, ne kerisinshe - ǵylymı ınstıtýttaryn berip jatyr deýge bola ma? Meniki-seniki demeı, agrarlyq ǵylym men bilim júıesi birge, bir jaǵadan bas, bir jeńnen qol shyǵarsa - nur ústine nur bolmaı ma?» - deıdi A.Mamytbekov.