Astanadaǵy Agrarlyq ýnıversıtettiń rektory 1 kýrs stýdentterimen kezdesti

Kezdesý on-laın rejiminde, 4 úlken dáris aýdıtorııasynda ótti. Oǵan 1 myńnan astam stýdent qatysty. Kezdesýdiń maqsaty - oqý ornynyń tabyldyryǵyn keshe ǵana attaǵan jastardyń stýdenttik ómirge beıimdelýine qolǵabys etý, kókeılerindegi saýaldarǵa jaýap berý. Stýdentterdi JOO-daǵy bilim berý úrdisi, mamandyqtary boıynsha bolashaqta jumyspen qamtamasyz etilýi, ártúrli baǵdarlamalar boıynsha shet elderde oqý, tájirıbeden ótý múmkindikteri sondaı-aq, turmystyq jáne áleýmettik sıpattaǵy máseleler qyzyqtyrdy.

Birneshe saǵatqa sozylǵan jıyn sońynda A.Bulashev saýaldaryn qoıyp, oılaryn erkin jetkizgen stýdentterge alǵysyn bildirip, tórt jyldyq bilim maıdanynda sapaly bilim alyp, sanaly maman bolýlaryna izgi tilegin bildirdi. Jáne de kezdesý barysynda aıtylǵan usynystar men erekshe qamqorlyqty qajet etetin jeke basqa qatysty máseleler jaqyn arada sheshimin tabatynyna sendirdi.

Aıta keteıik, bıyl JOO-ǵa jalpy esepte 3 136 stýdent qabyldandy. Onyń 2 437-si kúndizgi, 699-y syrttaı oqý bólimderine tústi. Oqýǵa túsken 1-shi kýrs stýdentterdiń 75 paıyzy jataqhanamen qamtamasyz etildi. Al 26 qazanda «Qazaqstan» Ortalyq kontsert zalynda osy jastardy stýdentter qataryna qabyldaý saltanaty ótedi.

S.Seıfýllın atyndaǵy QazATÝ-dyń kitaphanasy 1958 jyldan beri jumys istep keledi jáne osy ýaqytqa deıin onyń qory 900 myńnan astam kitapqa jetti. Olardyń arasynda oqý, ǵylymı jáne kórkem ádebıetter, merzimdi basylymdar, elektrondy tasymaldaǵyshtaǵy qujattar, ýnıversıtettiń professorlyq-oqytýshylar quramynyń eńbekteri bar.
2010-2011 oqý jylynda ýnıversıtettik qalashyq aýmaǵynda stýdentterge arnalǵan saýyqtyrý kesheni ashyldy.

Stýdentterdiń sabaqtan tys ýaqyttaryn tıimdi ári qyzyqty uıymdastyrý, shyǵarmashylyq qabiletterin anyqtap, qoldaý bildirý maqsatynda 1961 jyly Qoǵamdyq mamandyqtar fakýlteti qurylyp, osy kúnge deıin jetistikti jumys istep keledi.

Qazaqstannyń bedelin álem arenalarynda asqaqtatyp, kásibı sport pen bilimdi qatar alyp júrgen sportshy-stýdentterge de emtıhandardy jeke syzba boıynsha tapsyrý múmkindigi jasalyp otyr.