Astanadaǵy Agrarlyq ýnıversıtettiń bazasynda «Astana» energııa únemdeý jáne bilim taratý ortalyǵy ashyldy

Búgin, 8 jeltoqsan kúni QazATÝ men «Turǵyn úı-kommýnaldyq sharýashylyǵyn jańǵyrtý men damytýdyń qazaqstandyq ortalyǵy» AQ, taldamaly jáne ǵylymı zertteýlerdi júrgizý, ınnovatsııalyq tehnologııalardy turǵyn úı-kommýnaldyq sharýashylyq salasyna engizý maqsatynda alǵash ret ǵylymı-tájirıbelik konferentsııany uıymdastyryp, ótkizdi. Konferentsııa barysynda S.Seıfýllın atyndaǵy QazATÝ bazasynda qurylǵan «Astana» energııa únemdeý jáne bilim taratý ortalyǵynyń resmı ashylýy boldy.

Ortalyqtyń maqsaty - energııa jáne resýrsty saqtaý tehnologııalary men energııany únemdeýge qatysty ilespe qyzmetterdi damytý, mamandardyń kadrlyq áleýetin arttyrý, TKSh salasynda yqpaldastyqty kúsheıtý arqyly turǵyn úı-kommýnaldyq sharýashylyǵyn jańǵyrtýdyń 2011-2020 jyldarǵa arnalǵan salalyq baǵdarlamasyn júzege asyrýǵa qolǵabys etý.

Konferentsııa barysynda sondaı-aq, turǵyn úı-kommýnaldyq sharýashylyǵynda qyzmet kórsetetin «A-San» JShS ýnıversıtetke avtomatty jylý torabyn syıǵa tartty. Atalmysh jylý toraby aýa raıyna táýeldi jylý júıesin jáne ystyq sýdyń avtomatty rettelýin qamtamasyz etedi.