Astanadaǵy Agrarlyq ýnıversıtette «Jigit sultany - 2012» baıqaýy ótti

Qoǵamdyq mamandyqtar fakýltetiniń uıymdastyrýymen ótken baıqaý 4 kezeńnen turdy. «Men, men edim, men edim»saıysyndaqatysýshylar ózderin tanystyryp, kıim úlgilerin kórsetti. Qazylar alqasy olardyń sahnada ózderin ustaı bilý mánerin de baǵalady. «Aqynmyn aqylymmen el tanyǵan...»kezeńinde ózderiniń arnaý óleńderin, qazaqtyń tanymal aqyn-jyrlarynyń týyndylaryn oqydy. «Jigitke jeti óner de az»kezeńinde jigitter án aıtyp, bı bılep jáne basqa da shyǵarmashylyq talaptaryn pash etse, «Salaýatty ómir - saltymyz»saıysyndakir kóterý, qol kúresi - sport túrlerinen baqtaryn synady.

Baıqaý nátıjesi boıynsha, agronomııa fakýltetiniń 1 kýrs stýdenti Erbol Jaqsybekov 2012 jyldyń «Jigit sultany» atanyp, alǵys hatpen, kúmispen qaptalǵan qamshymen jáne 20 myń teńge kólemindegi aqshalaı syıaqymen marapattaldy.  
Júldeli 2-oryndy jeńip alǵan kompıýterlik júıeler jáne kásiptik bilim berý fakýltetiniń 1 kýrs stýdenti Apasqan Abylaıhanǵa 15 myń teńge, 3-oryn jeńimpazy, osy fakýltettiń 1 kýrs stýdenti Musaev Saıanǵa 10 myń teńge kólemindegi aqshalaı syıaqylar tabystaldy.

Qatysýshylardyń barlyǵy ártúrli atalymdar boıynsha S.Seıfýllın atyndaǵy Qazaq agrotehnıkalyq ýnıversıteti rektorynyń alǵys hattarymen marapattaldy.