Astanadaǵy Agrarlyq ýnıversıtette XVI jazǵy Azııa oıyndarynan altynmen oralǵan boksshy, stýdent D.Eleýsinovke qurmet kórsetildi
ASTANA. 7 jeltoqsan. QazAqparat /Gúlmıra Álıakparov/ - Astanadaǵy S.Seıfýllın atyndaǵy Qazaq agrotehnıkalyq ýnıversıtetinde Gýanchjoýdaǵy XVI jazǵy Azııa oıyndarynan altyn medalmen oralǵan sportshy,
oqý ornynyń 2 kýrs stýdenti Danııar Eleýsinovke qurmet kórsetildi.
Ústimizdegi jylǵy qarasha aıynyń ekinshi jartysynda Qytaıdyń ońtústiginde ótken baıraqty básekede Azııanyń 45 elinen eń myqty sportshylar synǵa túskeni málim. Jarystarda Qazaqstannyń namysyn abyroımen qorǵap, el qorjynyn eki altyn medalǵa tolyqtyrǵan boksshylardyń biri Serik Sápıev bolsa, ekinshisi - Danııar Eleýsinov. Danııar elordadaǵy S.Seıfýllın atyndaǵy Qazaq agrotehnıkalyq ýnıversıteti ekonomıka fakýltetiniń 2 kýrs stýdenti. 64 keli salmaq dárejesinde óner kórsetken sportshy aqtyq saıysta úndilik Santosh Vırotany bet qaratpaı, 16:1 esebimen oısyrata utty.
Keshe ýnıversıtet basshylyǵy men stýdentter jeńimpaz sportshymen kezdesý ótkizdi. Ondaǵy basty maqsat - D.Eleýsinovtyń erligin, salaýatty ómir ustanymdaryn, qarsylastarymen saıys alańynda kezdesken saıyn molaıa túsken otansúıgishtik, patrıottyq sezimderin jastarǵa jetkizý.
JOO rektory Aıtbaı Bulashev, Danııardy tamasha jeńisimen quttyqtap, ony ýnıversıtet qana emes, barsha qazaq jurty maqtan etetindigin aıtty. Jas sportshyǵa rektorat atynan 125 000 teńge kóleminde syıaqy berildi.
D. Eleýsinovtyń endigi maqsaty - London olımpıadasynda olja salý. Kezdesý barysynda stýdent jastar Danııarǵa sáttilik tilep, aldaǵy ýaqyta namys týyn tek bıikten jelbiretip, Qazaqstannyń mártebesin asqaqtatýǵa úles qosa berýine tilektes ekendikterin jetkizdi.
Eske salaıyq, XVI jazǵy Azıada oıyndarynda Qazaqstan quramasy jalpy komandalyq esepte 5 orynǵa taban tiredi. El qorjynyna - 18 altyn, 23 kúmis jáne 37 qola medal salyndy.
