Astanadaǵy Agrarlyq ýnıversıtette «Túlek-2012» jármeńkesi ótti

Ýnıversıtet qabyrǵasyndaǵy túlekter jármeńkesi bul joly kompıýterlik júıeler jáne kásiptik bilim berý (KJjKBB) fakýltetiniń jastaryn jumysqa ornalastyrý maqsatynda ótti. Eske salsaq, osyndaı jármeńke aǵymdaǵy jylǵy aqpan aıynyń sońynda veterınarııa jáne mal sharýashylyǵy tehnologııasy fakýltetiniń bolashaq túlekteri úshin uıymdastyrylyp, oǵan jumys berýshiler retinde QR Aýyl sharýashylyǵy mınıstrligine qarasty 25 mekeme qatysqan bolatyn.

KJjKBB fakýltetinde 2011-2012 oqý jylynda «Kásiptik bilim», «Aqparattyq júıeler», «Esepteý tehnıkasy jáne baǵdarlamalyq qamtamasyz etý» mamandyqtary boıynsha barlyǵy 123 stýdentti shyǵarý josparlanyp otyr.

«Túlek-2012» jármeńkesine Astana qalasy ákimdiginiń «Jastarǵa kásiptik baǵdar berý jáne jumysqa ornalastyrý ortalyǵy» MKQK, №4, №6 jáne №7 kásiptik lıtseıler, Menedjment jáne bıznes kolledji, «ASÝ» gýmanıtarlyq-tehnıkalyq kolledji, Astana tehnıkalyq-ekonomıkalyq kolledji, «Ulttyq aqparattyq tehnologııalar» AQ, «Qazaqstan geoaqparattyq júıeler ortalyǵy» JShS jáne ózge de jekemenshik kompanııalardyń ókilderi qatysty.

Kásiptik lıtseılerdiń ókilderi qazirgi tańda tehnıkalyq jáne kásiptik bilim berý mekemelerinde tehnıkalyq pánderdiń muǵalimderi jáne óndiristik oqytýdyń sheberleri jetispeıtindigin atap ótti. Alaıda, osy oqý jylynda KJjKBB fakýltetinde «Óndiristi mehanıkalandyrý men avtomattandyrý» mamandyǵy boıynsha túlekter joq. Sol sebepti, bolashaqta osy mamandyqqa stýdentterdi qabyldaýdy kóbeıtý usynyldy.

Jumys berýshiler eńbek naryǵynda alǵan bilimderin tájirıbede qoldana alatyn saýatty da, bilikti mamandardyń jetispeıtindigin atap ótti. Atalǵan kompanııalardyń basshylary ýnıversıtetpen tyǵyz yntymaqtastyq ornatyp, stýdentterdi jumysqa alyp qana qoımaı, olardy tájirıbeden ótkizýge daıarlyqtaryn bildirdi.