Astanadaǵy Agrarlyq ýnıversıtette oqytýshylar men qyzmetkerler arasynda dástúrli spartakıada bastaldy

JOO-nyń 55 jyldyǵyna arnalǵan jarystarǵa ýnıversıtet pen kolledj oqytýshylary jáne qyzmetkerleri qatysýda. Ózderiniń sporttyq daıarlyqtary men sheberlikterin kórsetýge 600-den astam qyzmetker nıet bildirgen.

Spartakıadanyń alǵashqy bóligi sporttyń 5 túri - basketbol, shaǵyn-fýtbol, voleıbol, shahmat jáne ústel tenısi boıynsha ótedi. Osy kúnderi ýnıversıtettiń sport kesheninde qyzdar arasynda basketboldan jáne erler arasynda shaǵyn-fýtboldan top ishindegi kezdesýler ótýde. 13 qańtar kúni komandalar aqtyq saıysta kezdesedi. Odan keıin, jarystar 16-20 qańtar aralyǵynda erler men áıelder arasynda voleıboldan, 23-27-si kúnderi shahmattan jáne 27 qańtarda ústel tenısinen ótedi.

Sporttyq básekelerdiń qorytyndysy 27 qańtar kúni shyǵarylyp, jeńimpazdar oqý orny ákimshiliginiń atynan dıplomdarmen jáne baǵaly syılyqtarmen marapattalady.

Bıylǵy jyldyń naýryz aıynda spartakıada shańǵy jarysymen qaıta bastalady. Atalmysh ýnıversıtettiń aǵa býyn oqytýshylary men qyzmetkerleri sporttyń bul túrinen jylda erekshelenip, talaı jastyń aldyn orap júrgenin atap ótý kerek. Máselen, ústimizdegi qańtar aıynyń 9-y kúni QR Bilim jáne ǵylym mınıstrliginiń 2017 jylǵy Dúnıejúzilik Qysqy ýnıversıadaǵa arnalǵan is-sharalar josparynyń aıasynda ótkizilgen shańǵy jarysyna bilim ordasynyń 27 qyzmetkeri qatysyp, jaqsy fızıkalyq daıyndyqtaryn taǵy bir kórsetti.

Al 19 mamyrda «Sergektik jáne densaýlyq» spartakıadasy aıasynda sportshylar prezıdenttik kópsaıystan kúsh synaspaq.