Astanadaǵy Agrarlyq ýnıversıtette «Qyz syny -2012» baıqaýy ótti

Baıqaýdy Qoǵamdyq kásipter fakýlteti uıymdastyrdy. Oǵan nıet bildirgen 18 arýdyń irikteý kezeńinen ótken 12-si qatysyp, tórt kezeń boıynsha baqtalastyrdy.  

«Syr men symbat sulýlyǵy»kezeńinde arýlar jınalǵan qaýymǵa ózderin tanystyrdy. Qazylar alqasy, sondaı-aq olardyń sahnada ózin-ózi ustaı bilý máneri men ulttyq kıim úlgisine mán berdi. Qolóner sheberliginiń «Bes saýsaǵynan bal tamǵan»saıysynda qyzdar oıý-órnek salý, keste tigý, urshyq ıirý jáne dámdi taǵamdar ázirleý ónerlerin pash etti. «Aqyl jastan, asyl - tastan shyǵady»kezeńinde boıjetkenderdiń salt-dástúrler men maqal-mátelderdi bilý boıynsha bilim deńgeıleri baǵalansa, «Ónerge árkimniń-aq bar talasy»saıysynda kórermender qatysýshylardyń án aıtý, bı bıleý, mánerlep óleń oqý sheberlikterine tánti bola aldy.

Baıqaýdy tamashalaǵan ýnıversıtet rektory Aqylbek Kúrishbaev kórermender men qatysýshylarǵa ystyq lebizderin bildirdi.

Qyzyqty ári tartysty ótken baıqaý qorytyndysy boıynsha, birinshi oryndy ekonomıka fakýltetiniń 1-inshi kýrs stýdenti Perızat Serik, ekinshi oryndy agronomııa fakýltetiniń 2-nshi kýrs stýdenti Gúlmıra Murathan jáne úshinshi júldeli oryndy kompıýterlik júıeler jáne kásiptik bilim berý fakýltetiniń 1-inshi kýrs stýdenti Araılym Sıpat ıelendi. Arýlarǵa aqshalaı syıaqylar men marapattaý qaǵazdary berildi.