Astanadaǵy Agrarlyq ýnıversıtette ǵylymı jańalyqtardy óndiriske endirý maqsatynda «Konstrýktorlyq bıýro» ashyldy

Ýnıversıtettiń tehnıkalyq fakýltetinde ashylǵan «Konstrýktorlyq bıýro» «Aýylsharýashylyq mashına jasaý ortalyǵynyń» qurylymdyq bólimi bolyp tabylady. Ol 2011 jyldyń 27 qańtarynda Ǵylymı keńestiń «Ýnıversıtettiń professorlyq-oqytýshylar quramynyń 2010 jyly atqarǵan ǵylymı-zertteý jumystarynyń nátıjesi jáne 2011 jylǵa arnalǵan mindetteri» jónindegi sheshimderi men «Qazaq aýylsharýashylyǵyn mehanıkalandyrý jáne elektrlendirý ǵylymı-zertteý ınstıtýty» JShS-men jasalǵan kelisimdi oryndaý maqsatynda quryldy.

«Konstrýktorlyq bıýro» S.Seıfýllın atyndaǵy QazATÝ-da bilim berý qyzmetiniń sapasyn arttyrý jáne ǵalymdardyń jańalyqtaryn kommertsııalandyrý, óndiriske engizý maqsatynda quryldy. Bıýronyń quramyn anyqtaý, jumysyna basshylyq jasaý t.ǵ.d., tehnıkalyq-mehanıka kafedrasynyń professory mindetin atqarýshy, fakýltet dekany Saıahat Nókeshevke júkteldi.