Astanadaǵy agrarlyq ýnıversıtetiniń jataqhanalary joǵary jyldamdyqty ınternetke qosyldy
ASTANA. 3 qazan. QazAqparat - Búgin Astanadaǵy S.Seıfýllın atyndaǵy Qazaq agrarlyq-tehnıkalyq ýnıversıtetiniń jataqhanalary joǵary jyldamdyqty ınternetke qosyldy.
QazATÝ rektory Aqylbek Kúrishbaevtyń aıtýynsha, stýdentterdiń bilim alýynda zamanaýı tehnologııa basty ról oınaýy qajet. Sondyqtan bilim ordasy «Astanatelekom» QTO-men birlesip, osy jobany oryndap shyqty.
«Astanatelekom» QTO QazATÝ-dyń tórt jataqhanasy men eki oqý korpýsyn jyldamdyǵy 50 Mbıt/s-tyq ınternetke qosyp berdi. Sonymen qatar, iD TV jáne iD Phone qyzmetiniń 500 núktesi qosyldy.
«Bilim berý salasynda ınnovatsııalyq tehnologııalardy engizý jańa múmkindikter týǵyzyp, otandyq bilim sapasyn jaqsartatynyna senimdimin», - dep atap ótti «Astanatelekom» QTO bas dırektory Ermek Qýanyshbekov.
Qýanyshbekovtyń sózine qaraǵanda, jobanyń jalpy quny 49 mln teńgeni quraıdy, onyń 50%-yn «Qazaqtelekom», 50%-yn QazATÝ bólgen.
Aıta keteıik, elimizde mundaı joba tuńǵysh ret «Astanatelekomnyń» iske asyrýymen L. Gýmılev atyndaǵy Eýrazııa ulttyq ýnıversıtetinde 2010 jyly jasalǵan bolatyn.
