Astanadaǵy affınajdy zaýytqa shıkizat jetispeıdi - A. Raý
ASTANA. QazAqparat - Astanadaǵy affınajdy zaýytqa quramynda altyny bar shıkizat jetpeı jatyr. Búgin Májiliste «Qymbat metaldar jáne qymbat tastar týraly» zań jobasynyń tanystyrylymynan keıin jýrnalısterge bergen suhbatynda Investıtsııalar jáne damý vıtse-mınıstri Albert Raý osylaı málim etti.
Vıtse-mınıstrdiń sózine qaraǵanda, Qazaqstanda úsh affınajdy zaýyt jumys isteıdi, olar: Qazmyrysh, Qazaqmys jáne Astandaǵy zaýyt. «Astanadaǵy zaýyttyń qýaty jylyna 25 tonna altyn bolsa, byltyr 10 tonna artyq óńdelgen. Eger biz elimizde óndirilgen altynnyń negizgi bóligin, máselen 50 tonna óndirsek, sonyń 20 tonnasy Qazmyrysh zaýytynda óńdeledi. Qalǵan bóligi Qazaqmys pen Astanadaǵy zaýytta, sosyn az ǵana bóligi Reseıde óńdeledi. Degenmen, Reseıge biz negizinen Qazaqstanda tehnıkalyq sebepterge baılanysty óńdeýge kelmeıtin shıkizatty jiberip jatyrmyz. Sondyqtan da, Astanadaǵy zaýytqa shıkizat jetispeıdi», -dedi vıtse-mınıstr.
Mınıstr elimiz boıynsha osy úsh zaýyttyń qýaty jetkilikti ekenin, basqa zaýyt salý qarastyrylmaǵynyn da atap ótti.
