Astanadaǵy adamdardyń ýlanýy: «Dastarqan» ashanasy jumys istep tur
ASTANA. QazAqparat - Astanadaǵy «Dostar» shaǵyn aýdanynda ornalasqan «Dastarqan» ashanasy (Ǵabıt Músirepov kóshesi soǵan kelip tireledi - avt.) adamdardyń ýlanýy týraly shaǵymnyń túskenin rastady. Alaıda, úsh er adam, bir áıel men eki balanyń dál sol jerden tamaq iship, ýlanýyn joqqa shyǵaryp otyr, dep habarlaıdy QazAqparat tilshisi.
«Iá, bizge qońyraý shalyp, ýlanǵandary jaıynda aıtqan. Et pen sańyraýqulaq aralas ystyq tamaq jedik deıdi. Alaıda, dál sol kúni olar jegen tamaqty basqa adamdar da jegen. Eshkim ýlanǵan joq qoı. Bizge kúnde keletin adamdar bar. Balalar da, júkti áıelder de keledi. Endi, úıden bireý ýlansa, adam birden kelip aıtpaýshy ma edi? Biraq sol kúni eshkim kelgen joq. Máselen, meniń úıimde bireýi ýlansa, men birden kelip shaǵymdanatyn edim», -deıdi ashana ákimshisi Amangúl Ákimbekova.
«Sol kúngi tamaqty dálel bolsyn dep, birden tárkileý kerek deısiz ǵoı? Áıtpese, qazir ol tamaq qalmady...» degen suraǵymyzǵa: «Másele onda emes. Ol tamaq bar ma, joq pa. Bizde ondaı tamaq kúnde jasalady. Et te, sańyraýqulaq ta - bári birdeı», - dep jaýap berdi ol.
Ákimshiniń sózine qaraǵanda, sanıtarlyq epıdemıologııalyq qyzmet mamandary áli tekseris ótkizgen joq. «Olar aldaǵy dúısenbi kúni keledi. Búgin de kelip qalýy ábden múmkin. Olar kez kelgen ýaqytta kelýi múmkin», -deıdi A.Ákimbekova.
Aıta keteıik, qazannyń 8-9 aralyǵynda Astanada tórt adamnan turatyn bir otbasynyń músheleri, sondaı-aq kúzet qyzmetinde isteıtin eki er adam ystyq tamaq jep, ýlanyp qaldy.
«Mine, eki aptadan beri otbasym túgel aýrýhanada jatyrmyz. Juqpaly aýrýhana bolǵan soń, bizdi syrtqa shyǵarmaıdy, eshkimdi ishke kirgizbeıdi. Sondyqtan zardap shekkenimiz týraly aryzdy aldaǵy dúısenbi, aýrýhanadan shyqqan soń jazamyz», - deıdi Astana qalasynyń turǵyny Qazbek Ibraev.
Aýrýhanaǵa túsken barlyq adamdardan salmonellez anyqtaldy.
