Astanadaǵy №99 saılaý ýchaskesinde eki jup jas jubaılar daýys berdi
ASTANA. QazAqparat - M.Gorkıı atyndaǵy Memlekettik akademııalyq orys drama teatrynda ornalasqan №99 saılaý ýchaskesinde eki jup jas jubaılar daýys berdi. Toı kóılegin kıgen qos qalyńdyq - Sánııa Bepenbaeva men Krıstına Noseı jáne qustaryn qolyna qondyrǵan qos kúıeý jigit - Asylhan Ryspambetov pen Vladımır Rosnovskıı elmen birge kezekke turyp, óz daýystaryn berdi.
Asylhan Ryspambetov pen Sánııa Bepenbaevanyń aıtýynsha, bul kúnniń olar úshin orny erekshe.
"Biz búgin eki birdeı tańdaý jasap otyrmyz. Birinshiden, ómirlik jar retinde bir-birimizdi tańdasaq, ekinshiden, elimizdiń bolashaǵyn senip tapsyratyn adamǵa daýysymyzdy berdik. Ekeýimizdiń tańdaýymyz bir adamǵa tústi dep úmittenemiz", - deıdi jas jubaılar.
Aıta keteıik, atalǵan ýchaskege 2480 saılaýshy tirkelgen. Olardyń arasynda ardagerler qozǵalysynyń belsendisi Irına Chernyh ta bar.
"Biz kóp jasadyq, kópti kórdik. Sondyqtan beıbitshiliktiń qadirin jaqsy bilemiz. Búginde bizge óz erkimizben daýys berýge múmkindik jasalyp otyr. Bul biz úshin úlken baqyt", - dep atap ótti ol.
