Astanadaǵy 6 qurylys kompanııasyna qatysty qylmystyq is qozǵaldy
ASTANA. QazAqparat - Astana qalasyndaǵy 6 qurylys kompanııasyna qatysty qylmystyq is qozǵaldy, dep habarlaıdy qala ákiminiń baspasóz qyzmetinen.
«Zańsyz kásipkerlik qyzmet faktileri boıynsha kelesi qurylys kompanııalaryna qatysty qylmystyq ister qozǵaldy (QR QK 214 bap): «OralDızaınStroıservıs» JShS, «Stroıklass» JShS, «Akmolteploservıs» JShS «Tólendi» TQK boıynsha, «Asar» RQB, «Al barakat kompanı» JShS, «Bıkom Injınırıng» JShS «Jaına» TK boıynsha» delingen habarlamada.
Ústimizdegi jyldyń 2 sáýirinde ákimdiktiń saıtynda jarııalanǵan 26 jaýapsyz qurylys salýshynyń tiziminen búginde eki qurylys kompanııasy: «Premier Palase» TK salyp jatqan «Elite market group» JShS jáne «Future Home» TK salyp jatqan «Nomad stroı EK» JShS qurylys júrgizýge ruqsat jáne rastaý qujattaryn, sonymen qatar ekinshi deńgeıli bankterdiń atalǵan turǵyn úı keshenderin salýǵa nesıe jelisin berýi týraly qujattardy usyndy, bul olarǵa salynyp jatqan úılerde páterlerdi satýǵa quqyq beredi.
Bul rette kórsetilgen tizimdegi birqatar kompanııalardyń qurylys júrgizýge ruqsat qujattary bar, biraq úleskerler qarjysyn tartýǵa lıtsenzııalary joq, atap aıtqanda: «Polıtrend Astana» JShS «Pamır» TK boıynsha, «Astana Dorındýstrııa» JShS «Beıbarys» TK boıynsha, «Kontınent INC» JShS «Ómir Ózen» TK boıynsha, «Azbýka jılıa» JShS, «Ekspo Taýn», «Sadovyı kvartal» jáne «Garant» TK boıynsha, «Sat Constaction Group» JShS «Semeınyı» boıynsha, «Main-street» JShS «Orıental» TK boıynsha, «Alga Tokbolat» JShS Qorǵaljyn tas jolynyń boıyndaǵy turǵyn úı kesheni boıynsha (A, B, V bloktaryna), «Dostýpnye kvadraty» JShS «Pana» TK boıynsha, «AstanaTradeLtd» JShS «Krıstall» TK boıynsha.
Búgingi tańda atalǵan qurylys kompanııalary páterler satý (ótkizý) týraly habarlandyrýlardy jarııalaýdy toqtatty.
Qalǵan kompanııalar boıynsha qurylys júrgizýge ruqsattar jáne úleskerlerdi tartýǵa lıtsenzııalar joq.
