Astanadaǵy №58 mektepte ardagerlerdiń qatysýymen Uly Jeńistiń 65 jyldyǵyna arnalǵan kesh ótti
dep habarlaıdy QazAqparat.
Atalmysh sharaǵa soǵys ardagerleri V.Danchenko, M.Goldberg, A.Prısıajnyı, Q.Smaǵulov, N.Gorbacheva, T.Kúzembaıuly, N.Moıseenko arnaıy shaqyrylǵan edi.
«Bul sharany uıymdastyrýymyzdyń basty maqsaty - oqýshylarymyzdy otansúıgishtikke tárbıeleý. Ony daıyndaýǵa atsalysqan qazaq mektebi men estý qabileti kem túzeý synyptarynyń oqýshylary. Balalarymyzǵa úlgi bolyp, merekelik keshke qatysyp otyrǵan ardagerlerge úlken alǵysymyzdy bildiremiz», dedi mektep dırektory Alma Omarova.
Merekelik kesh barysynda mektep oqýshylary án- bı ónerimen qonaqtardy rıza etip, maıdan týraly sahnalyq qoıylymdar kórsetti.
«Búgin balalarymyz Uly Jeńistiń 65 jyldyǵy qarsańynda kesh uıymdastyrǵan eken. Biz buǵan ishteı rıza bolyp otyrmyz. Keleshek -jastardyń qolynda», - dedi UOS ardageri Tólen Kúzembaıuly.
Atalmysh bilim ordasynda Uly Otan soǵysynyń 65 jyldyǵyna oraı «Er esimi - el esinde» atty aılyq aıasynda birqatar sharalar josparlanyp otyr. Buǵan deıin «Tarıhtyń jyry-zamannyń syry» festıvali, «Meniń elim» patrıottyq án festıvali men patrıottyq jáne áskerı-sporttyq slet ótkizilgen edi.
