Astanadaǵy №48 mektep-lıtseıinde Uly jeńistiń 65 jyldyǵyna arnalǵan «Otty jyldar shejiresi» atty dóńgelek ústel ótti
dep habarlaıdy QazAqparat.
Pikir almasý negizinde ótken dóńgelek ústelge mektep-lıtseıiniń oqytýshylary men oqýshylary qatysty.
Dóńgelek ústel barysynda II dúnıejúzilik soǵysqa KSRO-nyń daıyndyǵy, soǵys qarsańynda Stalınniń ofıtserlik quramdy qýdalaýy, soǵys qarsańyndaǵy syrtqy barlaý týraly boljam jáne kúmán, qazaqstandyqtardyń Uly Otan soǵysyndaǵy erligi men eren eńbegi týraly jáne burmalanǵan tarıh nemese ashylmaǵan aqtańdaqtar jaıynda, astanalyq soǵys ardagerleri týraly qundy pikirler ortaǵa salynyp, talqylandy.
«Keshegi aşy tarıhty kóz aldymyzǵa ákelip, batyr babalarymyzdyń jeńis jolyndaǵy jasaǵan erlikterin búgingi urpaqqa nasıhattaý bizdiń boryshymyz», - deıdi keshti uıymdastyrýshy №48 mektep-lıtseıiniń qoǵamdyq pánder birlestiginiń oqytýshysy Áýelbek Toqtaǵazyuly.
