Astanadaǵy № 38 mektep-lıtseıi úzdik ǵalamtor saıty baıqaýynda jeńiske jetti
ASTANA. 14 qarasha. QazAqparat - Qazaqstan Respýblıkasy Bilim jáne ǵylym mınıstrliginiń bastamasy boıynsha eldiń úzdik mektep ǵalamtor saıty baıqaýy ótti, dep habarlanady Astana ákimdigi saıtynan.
Baıqaý «Úzdik mektep saıty», «Saıttyń úzdik dızaıny», «Eń qolaıly ınterfeıs» úsh atalymynda ótýde.
«Úzdik mektep saıty» bas atalymynda Astana qalasynyń № 38 mektep-lıtseıi jeńdi (www.38.astana-mektep.kz ).
Aqmola oblysy Aqkól aýdanyndaǵy Gorkıı atyndaǵy orta mekteptiń saıty (https://sc0005.akkol.akmoedu.kz) men Taldyqorǵandaǵy úsh tilde oqytatyn daryndy balalarǵa arnalǵan № 20 mamandandyrylǵan lıtseıdiń saıty (www.slod20.kz) úzdik dızaın úshin júlde aldy.
Eń qolaıly ınterfeıs Qostanaı qalasyndaǵy fızıka-matematıka lıtseıi (https://fmlkst.kz) men pavlodarlyq № 2 (https://goo.kz/index/fromorg/18 ) jalpy bilim beretin mektepte boldy.
Baıqaý qorytyndylary boıynsha úzdik saıttar Qazaqstan Respýblıkasy Bilim jáne ǵylym mınıstrliginiń Qurmet gramotalarymen marapattaldy.
