Astanadaǵy 2 kúndik bı olımpıadasy bastaldy

Sharaǵa elimizdiń 10 aımaǵy men kórshiles memleketterden 700-den astam bıshi qatysady.

Olımpıada balet, halyqtyq, shyǵystyq, baldyq jáne estradalyq bıler, step, salsa, tipti múgedekter úshin «besik arbadaǵy bı» sııaqty barlyq baǵyttar boıynsha ótedi. Festıval - múgedek jandarǵa qýanysh syılaıdy, olardyń álemmen qaýyshýyna, jetilýine múmkindik beredi. Jyl saıyn qazaqstandyq Bı Olımpıadasynyń baǵdarlamasyna múgedek jandardyń saıystary kiredi. Uıymdastyrý komıteti Qazaqstandyq Bı Paralımpıadasy aıasynda «Bı - ońaltý quraly» festıvaliniń baǵdarlamasyn keńeıtýdi josparlap otyr.

Taǵy bir aıta keter jaǵdaı, olımpıadaǵa qatysýshylardyń 40%-ǵa jýyǵy balalar. 5 jasar búldirshinder Olımpıadada alǵashqy ret sahnaǵa shyǵyp, kásibı bıshilermen baq synasady.

2 kún boıy ótetin saıysqa qatysýshylardy Reseıden, Ózbekstannan, Kýbadan, Qazaqstannan jáne Qyrǵyzstannan kelgen qazylar alqasynyń músheleri baǵalaıdy.

Іs-sharany Astana qalasy ákimdiginiń, Astana qalasy Mádenıet departamentiniń, qalalyq Týrızm, dene tárbıesi, sport basqarmasynyń qoldaýymen QR «Qazirgi Zamanǵy jáne Sporttyq bı» RQB men Jalpyreseılik bı uıymy (Máskeý) uıymdastyrǵan.