Astanadaǵy № 19 orta mektep jańa ǵımaratqa kóshedi
ASTANA. 30 qarasha. QazAqparat - Astanadaǵy № 19 orta mektepke bıyl salynǵan qosymsha ǵımaratqa búgin Astana qalasy Bilim basqarmasynyń bastyǵy Ásıma Bımendına men Saryarqa aýdanynyń ákimi Ermek Ospanov jáne № 9 saılaý okrýgi boıynsha saılanǵan qalalyq máslıhat depýtaty Tımýr Orazaqov keldi.
«Búginde № 19 orta mektepte 800-deı bala oqıdy. Oryn jetispeıdi, sondyqtan balalar úsh aýysymda oqýǵa májbúr bolýda. Jańa ǵımaratqa kóshse, qosymsha 600 oryn berilip, onda 1280 oqýshy sııatyn bolady. Osylaısha, biz aldyn ala 300 oryndy artyǵymen daıyndap qoıdyq. Bolashaqta Astananyń ósý qarqynyna baılanysty, oqýshylardyń sany tez ósetini belgili. sol kezde osy artyq oryndardy toltyramyz», - dedi Saryarqa aýdanynyń ákimi Ermek Ospanov.
Onyń aıtýynsha, jańa ǵımarat paıdalanýǵa jańa jyldan keıin beriledi. Balalar onda tek bir aýysymda oqýy múmkin. Al kelesi jyly mekteptiń negizgi korpýsyna kúrdeli jóndeý jumystary júrgiziledi. Mektep Tamshaly, 32 meken-jaıynda ornalasqan.
