Astanadaǵy 14 qabatty úıde bolǵan órtten 70 adam qaýipsiz jerge kóshirildi
ASTANA. 7 shilde. QazAqparat - Astana qalasynyń Saryarqa aýdanynda ornalasqan 14 qabatty úıde 6 shilde kúni saǵat 17:09-da birinshi qabattyń saty alańynda elektr kabeli órtene bastady. Bul týraly QR TJM-niń baspasóz qyzmetinen habarlaıdy.
Jalyn saǵat 17:53-te aýyzdyqtalyp, 17:58-de joıyldy. Ony sóndirýge QR TJM Astana qalasyndaǵy órt sóndirý qyzmeti jeke quramynyń 22 adamy men 4 tehnıka birligi jáne QR TJM «Apattar medıtsınasynyń ortalyǵy» MM-niń 3 adamy men 1 tehnıkasy jumyldyryldy.
Órt aýmaǵy 2 sharshy metrdi qurady. 8 adam qutqaryldy, 70 adam kóshirildi, olardyń ishinde úsh bala boldy. Qaza tapqandar men zardap shekkender joq.
