Astanadaǵy №12, № 21 avtobýstardyń baǵdaryna ózgerister engizildi
ASTANA. 4 aqpan. QazAqparat - Elordanyń Orynbor jáne Qoshqarbaev kósheleri boıyndaǵy jańa qurylys nysandarynyń paıdalanýǵa berilýine jáne turǵyndardyń kóptegen ótinishterine oraı,
sonymen qatar qalanyń shet jaǵyndaǵy kólik tasymaly qyzmetin jaqsartý maqsatynda 2013 jyldyń 2 aqpanynan bastap №12 avtobýs baǵdary qozǵalysyna ózgerister engizý týraly sheshim qabyldandy. Atap aıtqanda, sońǵy aıaldama «Astana» halyqaralyq áýejaıynan» «Avıator» aıaldamasyna deıin áýejaıdan keletin kúrejol boıymen ózgerissiz júrip, odan ári - Orynbor k-si - Rysqulov k-si - Qabanbaı batyr dańǵylymen odan ári burynǵy qozǵalys baǵyty boıynsha jalǵasady. Júris qozǵalysynyń ózgeretini týraly aqparat avtobýs salondarynda 2013 jyldyń 31 qańtarynan bastap ilingen.
Sonymen qatar, Sarykól kóshesi jalǵasynyń paıdalanýǵa berilýine jáne Baıtursynov kóshesindegi kólik qozǵalysynyń kóbeıýine baılanysty jol qozǵalysy qaýipsizdigin qamtamasyz etý maqsatynda 2012 jyldyń 31 qańtarynan bastap №21 avtobýs baǵdaryn uzartý týraly sheshim qabyldandy. Atap aıtqanda: alǵashqy «t/j Vokzaly» aıaldamasynan «Abylaı han» TK-ge deıin ózgerissiz. Odan ári - Sarykól k-si - Qoshkarbaev k-si - Jumabaev k-si - Aınakól k-si - Sarykól k-si - Baıtursynov k-si, keri de osy qozǵalys syzbasy boıynsha júredi.
Bul týraly Astana qalasy ákimdiginiń resmı saıty astana.kz habarlandy.
