Astanadaǵy 112 qutqarý qyzmetine táýlik ishinde myńǵa jýyq qońyraý shalynady
ASTANA. 16 qańtar. QazAqparat - Elordalyq qutqarý qyzmetine táýlik ishinde 1 myńǵa jýyq qońyraý kelip túsedi. Bul týraly astana.kz saıtyna TJD 2013 jyldyń qorytyndysy boıynsha ótken baspasóz máslıhatynda málim boldy.
«Tótenshe jaǵdaılardy joıýǵa kelsek, táýlik ishinde 112 nómirine (osy qyzmetke arnaıy berilgen nómir, sebebi ár bala 5-ke deıingi sandy jeńil este saqtaıdy) 1 myńǵa jýyq qońyraý kelip túsedi. Adamdar ásirese, kóktemde, qar erigende jıi habarlasady. Táýligine 1300-1400 qońyraý tirkelgen kezder de boldy. Biz ár qońyraý boıynsha áreket etemiz. Jalǵan habarlamalar da bolady, 15-20% balalardyń sotqarlyǵynan jasalady. ІІD-men birlesip jalǵan qońyraýlar sanyn azaıtýǵa baǵyttalǵan is-sharalar ázirlenip jatyr», - dedi elordalyq Tótenshe jaǵdaılar departamentiniń bastyǵy Meıram Ysqaqov.
Aıta keteıik, Departament bólimsheleri dabyl boıynsha 2313 shaqyrýǵa shyqqan, bul 2012 jyldyń (2814) sáıkes merzimimen salystyrǵanda 21% kem. Oryndalǵan jumystardyń nátıjesinde 348 adam qutqarylyp, 2793 qaýipsiz jerge kóshirildi. Qabyldanǵan is-sharalarǵa qaramastan tótenshe jaǵdaılar saldarynan 85 adam kóz jumyp, 246 zardap shekti. Vedomstvonyń habarlaýynsha, tótenshe jaǵdaılardyń basym bóligin órtter (70-80%) quraıdy
