Astanadaǵy №109 marshrýttyń júrý kestesi ózgertildi
ASTANA. 22 maýsym. QazAqparat - Qalalyq marshrýt jelisin ońtaılandyrý aıasynda, Respýblıka dańǵylyna túsetin salmaqty jáne jolda júrý ýaqytyn azaıtý maqsatynda № 109 marshrýttyń júrý kestesi 2012 jylǵy 17 maýsymnan bastap kelesi baǵytta ózgertildi:
Bógenbaı batyr dańǵyly - Ýálıhanov kóshesi - Imanov kóshesi - ıAnýshkevıch kóshesi - Pýshkın kóshesi - Abylaı han dańǵyly, odan ári burynǵy qozǵalys kestesi boıynsha.
Astana qalasy ákimdiginiń málimetinshe, Respýblıka dańǵylynan Pýshkın kóshesiniń basyna deıingi ýchaskege № 2, 23, 25 jáne 31 baǵyttaǵy avtobýstarmen jetýge bolady.
