Astanadaǵy №108 saılaý ýchaskesinde búgin týǵan kúni bolǵan saılaýshyǵa syılyqtar tabys etildi
ASTANA. QazAqparat - Astana medıtsınalyq ýnıversıtetinde ornalasqan №108 saılaý ýchaskesinde búgin týǵan kúni bolǵan saılaýshyǵa syılyqtar tabys etildi.
Týǵan kún ıesi Nursulý Ospanovanyń aıtýynsha, bul onyń ómirindegi eń este qalarlyq týǵan kún boldy.
"Búgingi saılaý naýqany meniń týǵan kúnimmen tuspa-tus kelgenine óte qýanyshtymyn. Búgingi saılaýda barlyǵymyz durys tańdaý jasaıtynymyzǵa senimdimin. Óıtkeni bizdiń búgingi tańdaýymyz jarqyn bolashaǵymyzdyń kepili bolmaq", - deıdi N.Ospanova.
Atalǵan saılaý ýchaskesine saılaýshylar óte kóp jınalypty. Ýchaske tóraǵasy Aıtbek Káribjanovtyń aıtýynsha, ýchaskege 2941 adam tirkelgen. Tańerteńnen beri 600-den astam adam daýys berdi.
"Ózderińiz kórdińizder, bıyl saılaýshylardyń belsendiligi óte joǵary. Saılaýshylardyń kóbi jastar. Olar tańerteńnen bastap osynda kelip, jaýapkershilikti túrde daýystaryn berýde", - deıdi A.Káribjanov.
