Astanadaǵy 10 munaralyq kran qaýipti dep tanyldy
ASTANA. QazAqparat - Astanada qaraýsyz turǵan munaralyq krandardy tekserý jumystary bastaldy, dep habarlaıdy QazAqparat Astana ákimdiginiń baspasóz qyzmetine silteme jasap.
Qurylysy toqtap qalǵan nysandardyń barlyǵyn tekserý týraly tapsyrmany Astana ákimi Áset Isekeshev tapsyrǵan edi.
Qazirgi ýaqytta qurylysy toqtap turǵan 32 nysannyń 54 munaralyq krany tekserildi. Sarapshylardyń aıtýynsha, olardyń arasynda 10 munaralyq kran qaýipti dep tanyldy. Osyǵan baılanysty bes qurylys nysanynda - «Abat» TK, «Otel apartament», «Shoqjuldyz» TK, «Pana» jáne «Eskendir» TK munaralyq krandar alynyp tastaldy.
Odan bólek, 3 qurylys nysanynda - «Aqmola qurylys» JShS, «Altyn XXI» JShS jáne «Atlant ınjınırıng» - 1 JShS ornalasqan 5 munaralyq krannyń qojaıyndary krandardy demontajdaýǵa ázir.
Astananyń 7 qurylys nysanynda jumystar jalǵasty jáne jaqyn arada 15 munaralyq kran qoldaný talaptaryna sáıkes kúıge keltiriledi.
