Astanadaǵy jol jóndeý jumystaryna baılanysty polıtsııa júrgizýshilerge úndeý jasady
ASTANA. KAZINFORM – Astanada jol jóndeý jumystarynyń júrgizilýine baılanysty polıtsııa júrgizýshilerge úndeý jasady, dep habarlaıdy elorda ákimdiginiń resmı saıty.
Kólik keptelisiniń jıileýine oraı, polıtsııa júrgizýshilerden jol qozǵalysy erejelerin qatań saqtaýdy jáne jolda janjal týǵyzbaýdy suraıdy.
2026 jylǵy jol-qurylys maýsymynyń bastalýyna baılanysty birneshe kóshede kólik qozǵalysyna ýaqytsha shekteýler engizilip jatyr. Bul ózgerister týraly aqparat buqaralyq aqparat quraldary arqyly aldyn ala habarlanady.
Jol jóndeý jumystary jol qaýipsizdigin arttyrý jáne sapaly ınfraqurylym qalyptastyrý maqsatynda júrgiziledi. Jumys kezeńinde júrgizýshilerge balamaly qozǵalys baǵyttary usynylady.
Qala turǵyndary men qonaqtaryna joldaǵy keptelisterdi azaıtý úshin qozǵalys baǵyttaryn aldyn ala josparlaý qaperge salyndy.
Jyl basynan beri jol jabynyn búldirgeni úshin shamamen 30 júrgizýshi ákimshilik jaýapkershilikke tartylǵan.
Joldardyń sapasy men qaýipsizdigi jol qozǵalysynyń jalpy jaǵdaıyna jáne jol paıdalanýshylardyń qaýipsizdigine tikeleı áser etedi.
Budan buryn Almaty áýejaıy jóndeý jumystaryna baılanysty jolaýshylarǵa úndeý jasaǵanyn habarlaǵanbyz.
