Astanadaǵy jármeńkege BQO men Qostanaı 500 tonnaǵa jýyq ónim ákeledi

ASTANA. KAZINFORM — Elordada 4-5 qazan kúnderi Batys Qazaqstan jáne Qostanaı oblystarynyń taýar óndirýshileriniń qatysýymen óńirlik aýyl sharýashylyǵy jármeńkesi ótedi, dep habarlaıdy qala ákimdiginiń resmı saıty.

Jármeńkede fermerler et, balyq, sút ónimderi, kókónis, jemis-jıdek jáne basqa da azyq-túliktiń alýan túrin usynady.

— Astanaǵa jalpy kólemi 500 tonnaǵa jýyq ónim jetkiziledi. Onyń ishinde 130 tonna et jáne et ónimderi, 90 tonna kókónis pen jemis, 90 tonna un jáne makaron, 50 tonna bal, 35 tonna sút ónimderi, shamamen 100 tonna basqa da taýarlar bar. Jármeńkege kelgender sapaly ónimdi tikeleı óndirýshilerden satyp ala alady, — dep atap ótti qalalyq ákimdik. 

Sondaı-aq aımaqtardan kelgen shyǵarmashylyq ujymdardyń kontserttik baǵdarlamasy usynylady. Saýda alańy saǵat 09:00–den 18:00–ge deıin jumys isteıdi.

Eske sala keteıik, bıylǵy jármeńkeler «Qazanat» ıppodromynyń avtoturaǵynda (Qarqaraly tasjoly, 1) ótip jatyr. Іs-shara kezinde jármeńke ornyna № 18, № 37 jáne № 303 baǵytyndaǵy avtobýstar qatynaıdy. 

Eske salsaq, ótkende Almaty oblysy Astanadaǵy jármeńkege 180 tonna ónim jetkizgenin jazǵanbyz.