Astanadaǵy jármeńkede 30-dan astam bos jumys orny ashyldy

ASTANA. KAZINFORM – Ashyq esik kúni aıasynda Qazaqstan Respýblıkasy Ónerkásip jáne qurylys Mınıstrligi Qurylys jáne turǵyn úı-kommýnaldyq sharýashylyq isteri komıtetiniń «Goeskpertıza» RMK-da bos oryndar jármeńkesi ótti.

Jármeńkeni «Memsaraptama» RMK Bas dırektory Tımýr Qaraǵoıshın quttyqtaý sózimen ashty. Ol óz kezeginde atalǵan is-sharanyń maqsaty sarapshylar laýazymyna kandıdattardy turaqty jumysqa irikteý jáne jumysqa ornalastyrý, sondaı-aq kadrlyq rezervti qalyptastyrý ekenin atap ótti. 

Іs-sharaǵa elordalyq halyqty jumyspen qamtý ortalyǵynyń ókilderi de qatysty. Jármeńke qatysýshylaryna ashyq bos laýazymdarǵa turaqty jumysqa ornalasýdyń múmkin nusqalarymen tanysý usynyldy.

Búgingi tańda kásiporyn óndiristik bólimniń, sondaı-aq qala qurylysy saraptamasy jáne konstrýktorlyq sektor bólimderiniń, ádisnamanyń, «smetalyq qujattama», «ınjenerlik jeliler men júıeler», «sáýlet jáne bas jospar» bólimderiniń bilikti sarapshylaryn izdeıdi.

Aıta ketý kerek, bul bos jumys oryndar «Memsaraptama» RMK ortalyq apparatynda jáne kásiporyn fılıaldarynda usynylǵan.

Sonymen qatar is-shara barysynda qatysýshylarǵa kásiporynnyń bıznes-protsesi, kásiporynda kózdelgen áleýmettik kepildikter berildi. Sondaı-aq úmitkerler úshin ekskýrsııa jáne uıymnyń qyzmetimen tanysý ótkizildi. 

Ashyq bos jumys oryndary týraly aqparatpen tolyǵyraq www.gosexpertiza.kz saıtyna kirý arqyly tanysýǵa bolady.