Astanadaǵy jarylystan zardap shekkenderdiń jaǵdaıy belgili boldy
ASTANA. KAZINFORM — Dárigerler Astanadaǵy Jıenqulov kóshesinde bolǵan gaz ballony jarylysynan zardap shekkenderdiń jaǵdaıyn aıtty.
Astana qalalyq densaýlyq saqtaý basqarmasynyń Kazinform agenttiginiń resmı saýalyna bergen jaýabyna sáıkes, oqıǵadan tórt adam zardap shekken.
— Onyń ekeýi № 1 kópbeıindi qalalyq aýrýhanaǵa jatqyzyldy. Bir naýqasqa ambýlatorııalyq em taǵaıyndalyp, úıine jiberildi. Taǵy bir adam № 2 kópbeıindi qalalyq balalar aýrýhanasyna jetkizildi. Barlyq naýqasqa qajetti medıtsınalyq kómek kórsetilip jatyr. Aýrýhanaǵa jatqyzylǵandar jansaqtaý bóliminde jatyr, — delingen basqarmanyń resmı jaýabynda.
Eske salaıyq, buǵan deıin Astanada Jıenqulov kóshesindegi tandyrhana ǵımaratynda gaz ballony jarylǵanyn habarlaǵan edik.
