Astanadaǵy jańbyr sýy aǵatyn káriz júıelerin kútip ustaýǵa 1,7 mıllıard teńge jumsalmaq
ASTANA. KAZINFORM — Astana qalasynyń nóserlik káriz júıelerin (lıvnevka) kútip ustaý, paıdalaný jáne tazalaý jumystaryna 1,7 mıllıard teńgeden astam qarajat bólý kózdelip otyr. Bul týraly Astana qalasy ákimdiginiń Kommýnaldyq sharýashylyq basqarmasy málim etti.
Memlekettik satyp alý portalynda jarııalanǵan málimetke sáıkes, tapsyrys berýshi – Astana qalasy ákimdiginiń Kommýnaldyq sharýashylyq basqarmasy.
Konkýrstyq lottyń ataýy – nóserlik káriz júıeleri men sý burý arnalaryna qyzmet kórsetý, olardy paıdalaný jáne tazalaý jumystary. Jobaǵa bólinetin josparly soma 1 mlrd 724 mln 137 myń 931 teńge 4 tıyn.
Konkýrsqa qatysý úshin aldyn ala ótinimder 16–23 maýsym aralyǵynda qabyldanady.
Qazaqstanda memlekettik satyp alý erejeleri ózgergenin eske salamyz.
