Astanadaǵy jańa perzenthana qaı aýdanda salynatyny belgili boldy
ASTANA. KAZINFORM — Qoǵamdyq densaýlyq saqtaý basqarmasynyń málimetinshe, perınataldyq ortalyq Saryarqa aýdanynda boı kóteredi.
Demografııalyq esepterge negizdelgen halyq sanynyń ósimi eskerile kele Memleket basshysynyń tapsyrmasy boıynsha ótken jyly perınataldy ortalyq salý jobasyn júzege asyrý bastaldy.
— Búginde Saryarqa aýdanynda perınataldyq ortalyqtyń qurylysy júrgizilýde, nysandy 2027 jyly paıdalanýǵa berý josparlanǵan. Qala ákimdigi densaýlyq saqtaý nysandarynyń qurylysyna jeke ınvestıtsııalar tartý boıynsha belsendi jumys júrgizýde. Bıyl eki tolyqqandy jeke klınıka (Nurlyjol jáne Hýseın Ben Talal temirjol vokzaldarynyń aýdanynda) paıdalanýǵa beriledi. Al aldaǵy úsh jylda ınvestorlar esebinen taǵy eki emhana salynady, — deıdi vedomstvo basshysy Álııa Rústemova.
Sondaı-aq ol elordadaǵy aýrýhanalar men emhanalardyń materıaldyq-tehnıkalyq bazasyn jaqsartý týraly aıtty. Osylaısha, 2024 jyly qaladaǵy medıtsınalyq uıymdarǵa 435 birlik
medıtsınalyq jabdyqtar satyp alyndy. Bıyl qaladaǵy aýrýhanalar men emhanalar úshin 336 birlik medıtsınalyq jabdyq satyp alý josparlanyp otyr.
Osyǵan deıin Astanada Alǵys aıtý kúninde qandaı is-sharalar ótetini anyqtaldy.