Astanadaǵy jańa kópir kólik keptelisin qansha paıyzǵa azaıtty
Elorda turǵyndary Táýelsizdik dańǵylynyń boıyndaǵy jańa kópir arqyly jıi qatynaıdy. Bul kópir kóshelerdegi keptelisti edáýir azaıtýǵa múmkindik beredi. Máselen, Máńgilik el dańǵyly 20%-ǵa deıin, Saraıshyq kóshesi men Uly dala dańǵylyndaǵy kópir tıisinshe 15%-ǵa deıin azaıdy, dep habarlaıdy Kazinform elorda ákimdiginiń resmı saıtyna silteme jasap.
Jańa kópirdiń arqasynda Máńgilik el dańǵylynyń Uly dala dańǵyly men Kereı Jánibek handar kóshesi aralyǵynda kólik nópiri táýligine orta eseppen 19%-ǵa azaıǵany baıqalady. Sondaı-aq, tańerteńgi qarbalas saǵattarda 14%-ǵa, al keshki qarbalas ýaqytta 5,5%-ǵa tómendeýi baıqalady.
Máńgilik el dańǵylynyń boıynda Kereı Jánibek handar kóshesinen Qonaev kóshesine deıingi ýchaskede (soltústik baǵytta) keptelis keshki ýaqytta 11,8%-ǵa, ońtústik baǵytta 8,2%-ǵa tómendegeni baıqalady. Sondaı-aq, qarqyndylyqtyń tańerteńgi ýaqytta 21,2%-ǵa tómendeýi baıqalady (ońtústik baǵytta).
Sondaı-aq, kópirdiń Túrkistan kóshesindegi kólik keptelisine de oń áserin erekshe atap ótýge bolady. Uly dala dańǵylynan Kereı Jánibek handar kóshesi aralyǵyndaǵy Túrkistan kóshesinde qarqyndylyqtyń táýligine tómendeýi soltústik baǵytta – 12,5%. Sonymen qatar qarqyndylyqtyń tańerteńgi qarbalas ýaqytta 21%-ǵa, keshki ýaqytta-17%-ǵa tómendeýi baıqalady.
Derekterdi «Sergek ITS» taldaý, monıtorıng jáne kóliktik boljaý boıynsha Intellektýaldy kólik júıesi arqyly mamandar daıyndaıdy.
Esterińizge sala keteıik, Táýelsizdik kópiri Almaty men Esil aýdandary arasyndaǵy qosymsha baılanysty qamtamasyz etedi. Sol sııaqty ózge kóshelerdegi keptelisti edáýir seıiltýge múmkindik beredi: sol jaǵalaýdy Táýelsizdik dańǵylymen, jańa temirjol vokzalymen, Qoshqarbaev dańǵylymen, Nájimedenov kóshesimen, Áziret Sultan meshitimen, Baıtursynov, Qordaı, Aınakól kóshelerimen, Momyshuly dańǵylymen jáne t.b. qosymsha baılanysty qamtamasyz etedi.
Kópir segiz jolaqty – eki baǵytta tórt jolaqtan. Kópirdiń shet jaqtarynda jaıaý júrginshiler aımaqtary men velojoldar bar. Al kógaldandyrý jumysy kóktemde aıaqtalady.
