Astanadaǵy jańa áýejaı qurylysy boıynsha jospar qashan iske asady
ASTANA. KAZINFORM – QR Kólik vıtse-mınıstri Talǵat Lastaev elordada ekinshi áýejaıdy salý josparyna qatysty túsinik berdi.
- Elorda ákimdiginiń jetekshiligimen jumys toby quryldy, ıaǵnı onyń quramynda tıisti quzyretti organdar qamtyldy. Bul baǵytta kóptegen parametrlerde eskere otyryp, tyńǵylyqty jumysty oryndaý kerek. Sondyqtan tıisti protsess bastaldy dep aıta alamyz, - dedi T. Lastaev Senatta tilshi suraǵyna jaýap bere otyryp.
Onyń aıtýynsha, qazir tehnıkalyq sala mamandary men sarapshylar jańa áýejaı qurylysyna qatysty nusqalardy pysyqtap jatyr. Bul nysan zamanaýı ári iri avıatsııalyq habqa aınalady dep josparlanǵan.
Aıta keteıik, byltyr jeltoqsan aıynda Prezıdent Qasym-Jomart Toqaev qalanyń kólik-tranzıt áleýetin arttyrý úshin jańa áýejaı salý múmkindigin qarastyrý qajet ekenin atap ótti.
