Astanadaǵy úsh bala qaza tapqan órt: ázirge kúdikti joq
ASTANA. KAZINFORM – Іshki ister mınıstriniń orynbasary Sanjar Ádilov Astanadaǵy «Kóktem-3» turǵyn úı kesheninde balalar qaza tapqan órtke qatysty pikir bildirdi.
Mınıstrlik ókili atalǵan fakti boıynsha tergeý júrgizilip jatqanyn aıtty.
— Tótenshe jaǵdaılar mınıstrligi 292-bap — órt qaýipsizdigi erejelerin buzý boıynsha tergeýdi júrgizip jatyr. Іshki ister mınıstrligi de kámeletke tolmaǵan balalardyń qaza bolýyna baılanysty óz tarapynan tergeýdi bastady. Qazirgi ýaqytta TJM-men birlesip birqatar saraptama taǵaıyndaldy. Endi nátıjesin kútý kerek. Kináli tulǵalardy jaýapqa tartý máselesi mindetti túrde kóteriledi, — dedi ol.
Sanjar Ádilov qaza tapqan balalardyń ákesiniń oqıǵaǵa qatysy bar ma degen suraqqa jaýap berdi jáne onyń kúdiktiler qatarynda emestigin aıtty.
— Bul iste eshkim kúdikti dep tanylǵan joq jáne tergeý júrip jatyr, — dedi Sanjar Ádilov.
Eske sala keteıik, sáýir aıynda Astanada 21 qabatty turǵyn úıdiń 15-qabatyndaǵy páterden órt shyǵyp, úsh bala qaza tapty. TJM qyzmetkerleri joǵary qabattardan 20 adamdy evakýatsııalady, shamamen 40 turǵyn óz erkimen ǵımarattan shyqty.
