Astanadaǵy Ulttyq sport ýnıversıtetiniń qurylysy qashan aıaqtalady

ASTANA. KAZINFORM — Astanada salynyp jatqan Ulttyq sport ýnıversıtetiniń qurylysy bıyl jyl sońyna deıin tolyq aıaqtalady. Nysan sport salasyndaǵy eń iri ınfraqurylymdyq jobalardyń biri bolyp esepteledi jáne kópfýnktsıonaldy keshen retinde iske qosylady.

Qurylys barysymen Premer-mınıstrdiń birinshi orynbasary Roman Sklıar tanysty. 

Delegatsııa quramynda Týrızm jáne sport mınıstri Erbol Myrzabosynov jáne merdiger kompanııa ókilderi boldy. Oqý orny Memleket basshysynyń sport ınfraqurylymyn damytý jónindegi tapsyrmalary aıasynda salynýda.

- Búgingi tańda qurylys-montaj jumystary tolyq aıaqtalyp, nysannyń bir bóligi paıdalanýǵa berildi. Birinshi kezeń aıasynda kolledjdiń oqý ǵımaraty, 500 oryndyq jataqhana, trıbýnanyń astyndaǵy úı-jaılar, jabyq jeńil atletıkalyq manej, basseın jáne kópfýnktsıonaldy keshen qarastyrylǵan, - dep jazdy Týrızm jáne sport mınıstrliginen.

Ekinshi kezeńde ǵylymı-zertteý ortalyǵy bar ýnıversıtet ǵımaraty, 1 000 oryndyq jataqhana, medıtsınalyq-saýyqtyrý ortalyǵy, oqytýshylarǵa arnalǵan turǵyn úı korpýsy jáne stadıondy paıdalanýǵa berý josparlanǵan. Qurylys jumystarynyń aıaqtalýy bıylǵy jylǵa mejelengen.

Tekserý qorytyndysy boıynsha vıtse-premer sport nysanyna ınjenerlik-kommýnıkatsııalyq ınfraqurylym men jetkizý jelilerin ýaqytyly tartý jóninde tıisti tapsyrmalar berdi.

Aıta keteıik, elimizde alkogolsiz sýsyndar shyǵaratyn zaýyttyń qurylysy bastaldy.