Astanadaǵy týrnırde Qazaqstan quramasy Belarýsten jeńildi

ASTANA. KAZINFORM - Shaıbaly hokkeıden Qazaqstan ulttyq quramasy búgin, 3 mamyrda Astanada ótken halyqaralyq Qazaqstan Hockey Open týrnırinde Belarýspen kezdesti.

Bas bapker Oleg Bolıakın oıynǵa tómendegi qazaqstandyq hokkeıshilerdi shyǵardy: Pavlenko (Ámirbekov); Beketaev-Metalnıkov, Panıýkov-Lıhotnıkov-Ásetov; Breýs-Gaıtamırov, Mıhaılıs-Shestakov-Rymarev; Mıhaılov-Danııar, Qaıyrjan-Ómirbekov-Savıtskıı; Korolev, Muratov-Volkov-Muhametov, Ospanov.

Kezdesý barysynda belarýstik Aleksandr Skorenov 14-mınýtta esep ashsa, onyń áriptesi Vadım Moroz 59-mınýtta qorytyndy esepti belgiledi. Osylaısha el quramasy qarsylasyna 0:2 esebimen ese jiberdi.

Qazaqstandyq hokkeıshiler budan buryn Reseı 25 quramasyna 1:4 esebimen jeńilse, Belarýs olardan 4:2 esebimen basym tústi. 

Qatysýshylar toptyq júıe boıynsha saıysqa tústi. Nátıjesinde 6 upaı jınaǵan Belarýs týrnırdiń jeńimpazy bolsa, Reseı 25 ekinshi, Qazaqstan úshinshi oryn aldy.

Bul kezdesý Qazaqstan quramasynyń 2025 jylǵy álem chempıonaty aldyndaǵy daıyndyǵy aıasynda ótkizildi.

Otandastarymyz álem chempıonatynda V tobynda Fınlıandııa, Chehııa, AQSh, Germanııa, Danııa, Norvegııa jáne Vengrııamen sheberlik baıqasady. Oıyndar Danııanyń Hernıng qalasynda bolady.

Al Shvetsııanyń Stokgolm qalasynda A tobynda Kanada, Shvetsııa, Shveıtsarııa, Slovakııa, Latvııa, Avstrııa, Frantsııa jáne Slovenııa sheberlik baıqasady.