Astanadaǵy týrnırde Qazaqstan hokkeı quramasy Reseıden jeńildi
ASTANA. KAZINFORM — Shaıbaly hokkeıden Qazaqstan ulttyq quramasy búgin, 1 mamyrda halyqaralyq Qazaqstan Hockey Open týrnırindegi alǵashqy oıynyn Reseı 25 quramasyna qarsy ótkizdi.
Bas bapker Oleg Bolıakın atalǵan kezdesýge tómendegi qazaqstandyq hokkeıshilerdi shyǵardy: Kýdrıavtsev (Ámirbekov); Orehov-Metalnıkov, Mıhaılıs-Shestakov-Kolesnıkov; Beketaev-Danııar, Panıýkov-Lıhotnıkov-Ásetov; Mıhaılov-Gaıtamırov, Rymarev-Ómirbekov-Savıtskıı; Breýs-Volkov, Qaıyrjan-Muhametov-Muratov.
Kezdesý barysynda reseılik hokkeıshilerdiń basymdyǵy baıqalyp turdy. Olardyń qatarynan Danıl Aımurzın, Dmıtrıı Samorýkov, Marat Haırýllın jáne Mıhaıl Vorobev gol soqty.
Qazaqstan quramasynan Álıhan Ásetov bir golmen jaýap qaıyrdy.
Osylaısha el quramasy qarsylasyna 1:4 esebimen ese jiberdi.
Endi el quramasy 3 mamyrda Belarýspen sheberlik baıqasady. Erteń, 2 mamyrda Reseı 25 quramasy men Belarýs oınaıdy.
Halyqaralyq týrnırge qatysýshylar toptyq júıe boıynsha saıysqa túsedi. Kóp upaı jınaǵan qurama týrnırdiń jeńimpazy atanady.
Bul Qazaqstan quramasynyń 2025 jylǵy álem chempıonaty aldyndaǵy daıyndyǵy aıasynda ótkizilip jatyr.
Qazaqstandyq hokkeıshiler V tobynda oınaıdy. Qarsylastary — Fınlıandııa, Chehııa, AQSh, Germanııa, Danııa, Norvegııa jáne Vengrııa. Oıyndar Danııanyń Hernıng qalasynda bolady.
Al Shvetsııanyń Stokgolm qalasynda bolatyn A tobynda Kanada, Shvetsııa, Shveıtsarııa, Slovakııa, Latvııa, Avstrııa, Frantsııa jáne Slovenııa sheberlik baıqasady.