Astanadaǵy týrnırde Qazaqstan hokkeı quramasy búgin Belarýspen kezdesedi

ASTANA. KAZINFORM - Shaıbaly hokkeıden Qazaqstan ulttyq quramasy búgin, 3 mamyrda Astanada ótip jatqan halyqaralyq Qazaqstan Hockey Open týrnırinde Belarýspen kezdesedi.

Kezdesý elorda ýaqytymen 17:00-de bastalyp, «Qazsport» telearnasynan tikeleı efırde kórsetiledi.

Alǵashqy oıyndarynda Qazaqstan Reseı 25 quramasyna 1:4 esebimen jeńilse, Belarýs olardan 4:2 esebimen basym tústi.

Qatysýshylar toptyq júıe boıynsha saıysqa túsedi. Kóp upaı jınaǵan qurama týrnırdiń jeńimpazy atanady.

Qazir týrnır kestesinde Belarýs birinshi orynda tursa, odan keıin Reseı 25 jáne Qazaqstan quramalary ornalasqan. 

Bul kezdesý Qazaqstan quramasynyń 2025 jylǵy álem chempıonaty aldyndaǵy daıyndyǵy aıasynda ótkizilip jatyr.

Otandastarymyz V tobynda oınaıdy. Qarsylastary - Fınlıandııa, Chehııa, AQSh, Germanııa, Danııa, Norvegııa jáne Vengrııa. Oıyndar Danııanyń Hernıng qalasynda bolady.

Al Shvetsııanyń Stokgolm qalasynda A tobynda Kanada, Shvetsııa, Shveıtsarııa, Slovakııa, Latvııa, Avstrııa, Frantsııa jáne Slovenııa sheberlik baıqasady.