Astanada dzıýdodan ótken týrnırde Ǵusman Qyrǵyzbaev fınalǵa shyqty

ASTANA.KAZINFORM - Búgin Astana qalasynda jalaýyn kótergen dzıýdodan Qazaqstan Barysy Grand Slam týrnırinde Ǵusman Qyrǵyzbaev (66 keli) fınalǵa shyqty.

2024 jylǵy Parıj Olımpıadasynyń qola júldegeri araǵa úzilis salyp, tatamı tórine qaıta oralǵan edi. Astanadaǵy týrnırde ol jaqsy qyryn tanytty. Nátıjesinde jartylaı fınalǵa deıin esh súrinbesten jetti.

Jartylaı fınaldaǵy beldesýinde ol qytaılyq Tszyıan Seni 10:0 esebimen jeńdi.

Atalǵan jarys nátıjesinde IJF erejelerine sáıkes jarystyń jeńimpazdary men júldegerleri arasynda álemdik jáne olımpıadalyq reıtıngilerde upaılar bólinedi. Atap aıtqanda, І oryn úshin — 1 myń, kúmis júldegerge — 700, al qola medal alǵanǵa 500 upaı esepteledi.

Elordadaǵy Jaqsylyq Úshkempirov atyndaǵy jekpe-jek saraıynda ótetin bul dodaǵa 48 elden 400-den astam sportshy qatysady dep josparlanǵan.