Astanadaǵy týrnırde búgin el quramasynan kimder saıysqa túsedi

ASTANA. KAZINFORM — Astanada ótip jatqan dzıýdodan Qazaqstan Barysy Grand Slam týrnıriniń ekinshi jarys kúni, 10 mamyrda elimizdiń atynan 13 sportshy synǵa túsedi.

Atalǵan jarys nátıjesinde IJF erejelerine sáıkes jarystyń jeńimpazdary men júldegerleri arasynda álemdik jáne olımpıadalyq reıtıngilerde upaılar bólinedi. Atap aıtqanda, І oryn úshin — 1 myń, kúmis júldegerge — 700, al qola medal alǵanǵa 500 upaı esepteledi.

Elordadaǵy Jaqsylyq Úshkempirov atyndaǵy jekpe-jek saraıynda ótetin bul dodaǵa 48 elden 400-den astam sportshy qatysady dep josparlanǵan.

Erler:

73 keli. Qýan Barys — Leonardo Valerıanı (Italııa)
73 keli. Saıat Seıitqalıev — Etan Naırn (Ulybrıtanııa)
73 keli. Baqytjan Abdýrahmanov — Chang Ken Sıan (Qytaılyq Taıbeı)
73 keli. Eset Qýanov — Karen Galstıa (IJF)
81 keli. Azat Kúmisbaı — Vladıslav Kolobov (Ýkraına)
81 keli. Abylaıhan Jubanazar — Arıs Saragkas (Grekııa)
81 keli. Aıǵalı Qaldybek — Pavel Drzımal (Polsha)
81 keli. Jalǵas Qaırolla — Petr Mladı (Chehııa)

Áıelder:

63 keli. Asyljan Orynbasarova — Anastasııa Antıpına (Ýkraına)
70 keli. Anastasııa Morozova — Martına Espozıto (Italııa)
70 keli. Krıstına Sotnıkova — Lı Erang (Ońtústik Koreıa)
70 keli. Arýna Jangeldına — Sara Mehlaý (Germanııa)
70 keli. Dıana Telbaeva — Akvılına Chaıeb (Lıvan)

Álem chempıonatynda irikteý satysy 10:30–da bastalsa, fınal 17:00–ge josparlanǵan. Tikeleı kórsetilim Qazsport telearnasy arqyly bolady.

Halyqaralyq týrnır 11 mamyrǵa deıin jalǵasady. Jarys Astanadaǵy Jaqsylyq Úshkempirov atyndaǵy Jekpe-jek saraıynda ótip jatyr. 

Eske salsaq, jarystyń alǵashqy kúni, 9 mamyrda Ǵusman Qyrǵyzbaev (66 keli) pen Talǵat Orynbasar (60 keli) kúmis alsa, Aman Baqytjan jáne Maǵjan Shamshadın qola júldege qol sozdy.