Astanadaǵy týrnırde Belarýs hokkeıshileri Reseı 25 quramasynan basym tústi
ASTANA. KAZINFORM – Shaıbaly hokkeıden búgin, 2 mamyrda Astanada ótip jatqan halyqaralyq Qazaqstan Hockey Open týrnırinde Belarýs jáne Reseı 25 quramalary kezdesti.
Kezdesý barysynda Belarýs hokkeıshileri birinshi kezeńde belsendilik tanytty. Nátıjesinde olardyń qatarynan Andreı Belevıch 2-mınýtta esep ashty. Ekinshi kezeńde de olar basymdyqty arttyra tústi. Ivan Drozdov 21-mınýtta mergendik tanytsa, Sergeı Kýznetsov 31-mınýtta kózdegen nysanadan múlt ketken joq.
Reseılik hokkeıshiler úshinshi kezeńde alǵashqy mınýttan tizgindi qolǵa alýǵa tyrysty. Oıynnyń 43-mınýtynda Vladımır Grýdının qarsylastar qaqpasyn dál kózdedi.
Al 54-mınýtta belarýstik Aleksandr Skorenov qaıtadan esepti ulǵaıtsa, 58-mınýtta reseılik Danıl Aımýrzın qorytyndy esepti belgiledi. Osylaısha Belarýs qarsylasyn 4:2 esebimen jeńdi.
Aıta ketsek, Reseı 25 quramasy budan buryn Qazaqstannan 4:1 esebimen basym túsken edi.
Endi 3 mamyrda Qazaqstan jáne Belarýs quramalary sheberlik baıqasady. Bul kezdesý Qazaqstan quramasynyń 2025 jylǵy álem chempıonaty aldyndaǵy daıyndyǵy aıasynda ótkizilip jatyr.
Otandastarymyz V tobynda oınaıdy. Qarsylastary — Fınlıandııa, Chehııa, AQSh, Germanııa, Danııa, Norvegııa jáne Vengrııa. Oıyndar Danııanyń Hernıng qalasynda bolady.
Al Shvetsııanyń Stokgolm qalasynda bolatyn A tobynda Kanada, Shvetsııa, Shveıtsarııa, Slovakııa, Latvııa, Avstrııa, Frantsııa jáne Slovenııa sheberlik baıqasady.