Astanadaǵy týrnırde Abylaıhan Jubanazar jartylaı fınalǵa shyqty

ASTANA. KAZINFORM — Astanada ótip jatqan dzıýdodan Qazaqstan Barysy Grand Slam týrnıriniń ekinshi jarys kúni, 10 mamyrda Abylaıhan Jubanazar (81 keli) jartylaı fınalǵa shyqty.

Endi ol Ońtústik Koreıa sportshy Lı Djýnhvanmen kezdesedi. Qarsylasy — Olımpıada oıyndarynyń qola júldegeri, úsh dúrkin Grand Slam chempıony. 

Abylaıhan Jubanazar 2000 jyldyń 15 aqpanynda Qyzylorda oblysy Qazaly qalasynda dúnıege kelgen. Sport jolyndaǵy alǵashqy qadamyn 2013 jyly qazaq kúresinen bastaǵan. Qazir dzıýdo kúresinen halyqaralyq dárejedegi sport sheberi ataǵyn alǵan.

Abylaıhan 2022 jylǵy Azııa oıyndarynda qolaǵa qol sozsa, byltyr ótken «Grand Slam» týrnırlerinde kúmis jáne qola medal ıegeri atandy. Sondaı-aq, bıyl «Qazaqstan barysy týrnırinde úzdik úshtikten kórindi. 2022 jyly. Qorqyt Ata ýnıversıtetınde dene shynyqtyrý mamandyǵy boıynsha bitirip shyqty.

Sondaı-aq el quramasynan Eset Qýanov (73 keli) qola júldege talasady.
Elordadaǵy Jaqsylyq Úshkempirov atyndaǵy jekpe-jek saraıynda ótetin bul dodaǵa 48 elden 400-den astam sportshy qatysady dep josparlanǵan.

Atalǵan jarys nátıjesinde IJF erejelerine sáıkes jarystyń jeńimpazdary men júldegerleri arasynda álemdik jáne olımpıadalyq reıtıngilerde upaılar bólinedi. Atap aıtqanda, І oryn úshin — 1 myń, kúmis júldegerge — 700, al qola medal alǵanǵa 500 upaı esepteledi.

Eske salsaq, jarystyń alǵashqy kúni, 9 mamyrda Ǵusman Qyrǵyzbaev (66 keli) pen Talǵat Orynbasar (60 keli) kúmis alsa, Aman Baqytjan jáne Maǵjan Shamshadın qola júldege qol sozdy.